काठमाडौं, १८ चैत । प्रधानमन्त्री केपी शर्मा ओली पहिलोपटक नेकपा एकीकृत समाजवादीको कार्यालय पुगेका छन् । प्रधानमन्त्री ओली दिवङ्गत कमल कोइरालालाई श्रद्धाञ्जली दिन सोमबार समाजवादीको पार्टी कार्यालय आलोकनगर पुगेका हुन् ।
पत्रकार, लेखक र कूटनीतिज्ञ समेत रहेका ८७ वर्षीय कोइरालाको हिजो निधन भएपछि उनको पार्थिव शरीर श्रद्धाञ्जलीका लागि सोमबार एकीकृत समाजवादीको कार्यालयमा राखिएको थियो ।
